बुसानमा डिसेम्बर २२ का दिन चासोक तङनाम मनाइने

किरात याक्थुङ चुम्लुङ बुसान शाखाले लिम्बु समुदायको चाड “चासोक तङनाम” शुभकामना आदानप्रदान एवम साँस्कृतिक कार्यक्रम गरि मनाउने भएको छ। यहिँ डिसेम्बर २२ तारिख आइतबार 가야 대학교 किम्हेमा चासोकको लागि सम्पूर्ण तयारी भइसकेको अध्यक्ष प्रताप इधिङ्गोले जानकारी गराएका छन्।

उक्त कार्यक्रममा हेमन्त गुरुङ, एरिक सम्बाहाम्फे, राज नेम्बाङ, सन्देश लिम्बूको प्रस्तुती रहने छ भने अन्य कलाकारहरुको पनि बेजोड प्रस्तुती हुने छ। सांगीतिक मनोरञ्जनका साथ साथै लिम्बू मौलिक परिकारहरु पनि रहने छ भने केलाङ यालाङ जस्ता लिम्बू मौलिक नाचपनी रहने आयोजकले जनाएको छ।

हरेक वर्षको मंसिर पूर्णिमाको दिन मनाइने चासोकमा पाकेको नयाँ अन्नबाली सर्वप्रथम पितृहरुलाई चढाएर मात्र ग्रहण गर्ने परम्परा रहिआएको छ। चुम्लुङ बुसान शाखाले गतवर्ष गायक साइल लिम्बूको साथमा चासोक मनाइएको थियो।

कोरियामा सकृय संस्था चुम्लुङ कोरिया बुसान शाखाले आगामी मार्चमा फूटसल प्रतियोगिता पनि आयोजना गर्ने जनाएको छ।