खोटाङ हलेसी साङ्गीतिक सौगात–५ को लागि सबिन राईको ब्यान्ड कोरिया आउँदै
अमिर याेञ्जन । ‘खोटाङ हलेसी साङ्गीतिक सौगात भाग ५’ लाइभ इन सउल कार्यक्रमको लागि नेपालको चर्चित गायक सबिन राईको फारोह ब्यान्ड कोरिया आउने भएको छ । खोटाङ सेवा समाज कोरियाले आयोजनामा कोरियन नयाँ वर्ष सलनालको अवसरमा आगामी जनवरी २९ मा हुने कार्यक्रमको लागि सबिन राईको ब्यान्डसँगै चर्चित गायक गायिका आउने भएका छन् ।
डिसेम्बर २२ आइतबार पूर्वी नेपाल समाजको हल दोङ्देमुनमा संयुक्त रूपमा पोस्टर सार्वजनिक गर्दै कलाकार, कार्यक्रमको स्थान, मिति, समय र कार्यक्रम बारे जानकारी दिएको हो । सामाजिक कल्याणकारी कार्यमा सहयोग गर्ने उद्देश्यले कार्यक्रम आयोजना गर्न लागेको समाजका अध्यक्ष तथा कवि सुष्मा रानाहँमा राईले बताइन् ।
पोस्टर सार्वजनिक कार्यक्रममा जवाफ दिर्दै कार्यक्रम संयोजक अमृत राईले सबै कलाकारको भिसा प्रक्रिया अन्तिम चरणमा रहेको बताए । सुरक्षा तथा व्यवस्थापनको सबै काम चुस्ता दुरुस्त रूपमा हुने संयोजक राईले बताए ।
सलनालको दोस्रो दिन जनवरी २९ मा दिउँसो १ बजेबाट कार्यक्रम सुरु हुने आयोजकले बताएको छ । साङ्गीतिक प्रस्तुतिका लागि नेपालबाट पप स्टार गायक सबिन राईको फारोह ब्यान्डको ८ जना, गायिका मिना राई र गायक केहर सिङ लिम्बु आउने छन् ।
कार्यक्रमको लागि प्रवेश शुल्क ४० हजार वन तोकिएको छ । कार्यक्रम स्थान सउल मेट्रो २ नम्बर लाइनको खाङनाम स्टेसन नजिकै रहेको छ । {서울특별시 강남구 태헬란로 7길 32 (국깅원)} जसमा खाङनाम स्टेसनको ११ र १२ नम्बर पाँच मिनेट हिँडेर पुग्न सकिने छ । र त्यस दिन बिहानदेखि दोङ्देमुनको ३ नम्बर गेट अगाडीबाट कार्यक्रम स्थलसम्म बसको व्यवस्था रहेको आयोजकले बताएको छ ।
