नेपाली दूतावास कोरियाले ६ महिनापछि राजदूत पाउँदै
कोरियाका लागि नेपाली राजदूतावास सौलले ६ महिनापछि राजदूत पाउने भएको छ। आज दूतावासले एक सूचना जारी गर्दै उक्त जानकारी गराएको हो।
कोरियाका लागि राजदूत डा. शिव माया तुम्बाहाङ्फे आगामि शनिवार (डिसडिसेम्बर २८ ) इन्डिया मार्फत इन्छन विमानस्थलमा अवतरण हुने पनि सोहि सूचनामा उल्लेख गरिएको छ। महामहिमलाई विमानस्थलको मुगुङ्ह्वा रुममा स्वागत गर्न सकिने व्यहोरा समेत दूतावासले जानकारी गराएको छ।
नवनियुक्त राजदूतहरुले गत पौष ८ गते राष्ट्रपति रामचन्द्र पौडेल समक्ष पद तथा गोपनियताको सपथ ग्रहण गरेका थिए। तुम्बाहाङ्फे भूतपूर्व उप सभामुख हुन भने कानून मन्त्री समेत रहेर जिम्मेवारी सम्हालिसकेकि छन्।
गत जुन ६ गते मन्त्री परिषदको वैठकले कोरिया सहित ११ देशको राजदूत फिर्ता बोलाउने निर्णय गरेको थियो। हाल कार्यवाहक राजदूतको जिम्मेवारी डा . पुषराज भट्टराईले सम्हालिरहेका छन्।
