नव नियुक्त राजदूत डा. तुम्बाहाङ्फे कोरिया अवतरण , भोली संयुक्त स्वागत तथा सम्मान कार्यक्रम
कोरियाका लागि राजदूत डा शिवमाया तुम्बाहाङ्फे कोरिया अवतरण भइसकेकि छन्। महामहिम सहित ३ सदस्यीय टोली कोरिया आइपुगेका हुन्। अवतरण पश्चात कार्यबाहक राजदूत डा पुष्प राज भट्टराई लगायत, राजनैतिक दल एवम अन्य संघ संस्थाका अध्यक्ष तथा प्रतिनिधिहरुले विमानस्थलमा नै स्वागत गरेका थिए। दूतावसका अनुसार आज शनिवार विदा परेकोले महामहिम निवास प्रस्थान हुने कार्यक्रम रहेको जानकारी प्राप्त भएको छ।
भोली अर्थात डिसेम्बर २९ का दिन राजनैतिक दलका प्रवास संगठन नेपाली सम्पर्क समिति, प्रवासी नेपाली मञ्च र नेपाली जनप्रगतिशिल मञ्चले संयुक्त रुपमा स्वागत तथा सम्मान कार्यक्रम गर्ने भएको छ। सौल स्थित निक नेपाल ट्राभल्सको हलमा विहान १० बजे कार्यक्रम हुने आयोजकले जनाएको छ।
नवनियुक्त राजदूतहरुले गत पौष ८ गते राष्ट्रपति रामचन्द्र पौडेल समक्ष पद तथा गोपनियताको सपथ ग्रहण गरेका थिए। तुम्बाहाङ्फे भूतपूर्व उप सभामुख हुन भने कानून मन्त्री समेत रहेर जिम्मेवारी सम्हालिसकेकि छन्। 
