कोरियामा गायिका जालुमाया गुरुङको साथमा “तमू ल्होसार ” मनाईयो

तमु धीं दक्षिण कोरियाले गुरुङ समुदायको नयाँ वर्ष “तमू ल्होसार” भव्यताका साथ मनाएको छ। जनवरी ५ का दिन चर्चित गायिका जालुमाया गुरुङको साथमा सौल स्थित HW 컨벤션센터 하림각 को हलमा ल्होसार मनाएको थियो।

कोरियाका लागि नेपाली दूतावासका महामहिम डा . शिव माया तुम्बाहाङ्फेको प्रमुख आतिथ्य रहेको थियो। कार्यक्रममा शुभकामना व्यक्त गर्दै महामहिम भर्खर मात्र नेपाल सरकारको प्रतिनिधित्व गर्दै राजदूतका रुपमा कोरिया आएको जानकारी गराएकि थिइन्। कोरियामा रहेका नेपालीहरुको विविध समस्यालाई निराकरण गर्ने प्रतिवद्धता व्यक्त गर्दै कुनै समस्याहरु दूतावासलाई भन्दा कोहि कसैलाई थाह भए दूतावासमा जानकारी गराउन पनि अनुरोध गरेकी थिइन्।

कार्यक्रममा शुभकामना आदानप्रदान सहित विविध साँस्कृतिक नृत्य, दिवा भोज , नेपालबाट आमन्त्रीत गायिका जालुमाया गुरुङको बेजोड प्रस्तुति सँगै कोरियामा रहेका स्थानिय कलाकारहरुको समेत सांगीतिक धमाकाले कार्यक्रम भव्य भएको थियो।

गुरुङ समुदायले नयाँ वर्षलाई उत्सवको रुपमा मनाउने गर्दछन्। “ल्होसारमा” १२ वर्ग हुन्छन्। यो वर्ष मुप्री ल्हो (गरुड वर्ग ) को विदाइ गर्दै सप्री ल्हो (सर्प वर्ग) लाई स्वागत गर्दै मनाइएको थियो।