मार्मिक शब्दभावले भरिपूर्ण गोविन्द गौतमको “भिजा हातैमा” सार्वजनिक [भिडियो सहित]
नेपाली लोक विधा अन्तर्गत उत्कृष्ट शब्द रचना गर्दै गोविन्द गौतमले “भिजा हातैमा” बजारमा ल्याएका छन् । विशेष गरी नेपाली गीतसंगीतको क्षेत्रमा अत्यन्त चर्चित र व्यस्त गायिका समीक्षा अधिकारीसँगै गौतमले यस गीतमा आफ्नो सुमधुर स्वर भरेका छन् ।
गीतको शब्द, संगीत र सुमधुर आवाजको साथै म्यूजिक भिडियो निकै नै रुचाइएको यस गीतमा गीतको शब्द निकै भावुक र मार्मिक छन् । नेपाली समाज र परिवेशमा गरिबीको चपेटामा परेर बाध्यताले आफ्नो परिवार र प्रियसीलाई छोडेर विदेशिनु पर्दाको पीडादायी भावहरु र अनेकन व्यथाहरु यस गीतमा देखाउन खोजिएको छ ।
रोजगारको शिलशिलामा रहेर केही समय अगाडी मात्रै दक्षिण कोरियाबाट नेपाल फर्केर नेपालमा नेपाली गीत संगीतको क्षेत्रमा भविष्य खोज्दै स्थापित हुन संघर्ष गरिरहेका रामेछापका गोविन्द गौतमले “भिजा हातैमा” गीतको शब्द रचना गरेका हुन् ।यस गीतको एरेन्जमा रोशन बलुवा, रेकर्डिस्ट विवेक राज रनपहेली, मिक्स/मास्टरिङको जिम्मा साजन शाहले सम्हालेका छन् ।
यशु भट्टराई, नविन गौतम, गुणराज श्रेष्ठ, अञ्जु चौलागाइँ, दीपक गौतम र करिना खड्काको जोडदार अभिनय रहेको यस गीतमा निर्देशन प्रमोद भण्डारीले गरेका छन् भने प्रोडक्सन म्यानेजर माधव राउत, ट्रान्सपोर्टेसन् अर्जुन गौतम, MUA अनिमेश जोर्डन सिनेमाटोग्राफर करण चैरशिर, सम्पादन/कलर टेकेन्द्र शाह पोष्ट प्रोडक्शन लाईम लाईट नेपाल रहेका छन् । गीत Maulik Rodhighar नामक यूट्यूब च्यानल मार्फत् नेपाली सांगीतिक बजारमा उपलब्ध छ ।
[भिडियो हेर्न तल को यूट्यूब लिंक क्लिक गर्नुहोला ।]
