फेब्रुअरि २३ मा पूर्वी नेपाल समाजको चौँथो अधिवेशन हुँदै
पूर्वी नेपाल समाजको चौँथो अधिवेशन हुने भएको छ। दोङ्देमुन स्थित पूर्वी नेपालको आफ्नै हलमा फेब्रुअरी २३ तारिख आइतवारका दिन अधिवेशन हुने निश्चित भएको हो। अधिवेसन सँगै कोरियाका लागि राजदूत डा शिवमाया तुम्बाहाङ्फेलाई स्वागत कार्यक्रम पनि रहेको आयोजकले जनाएको छ।
समाजका अध्यक्ष गजेन्द्र शेर्मा विशेष कारण बस तत्काल कोरिया आउने परिस्थिति नभएपछि अधिवेशनका लागि बाटो खुला गरेको जानकारी प्राप्त भएको छ। हाल संस्थालाई कार्यवाहक अध्यक्ष चित्र घलेले नेतृत्व गरिरहेका छन्।
पूर्वका १४ जिल्ला र २ जातिय संस्थाको छाता संस्था पूर्वी नेपाल समाज एक सकृय सामाजिक संगठन हो। यस संस्थाले विभिन्न सामाजिक गतिविधिहरु गर्दै आइरहेको छ। अधिवेशनलाई सफलता पूर्वक सम्पन्न गराउन सबैमा उपस्थितिको लागि आयोजकले अनुरोध गरेको छ।
