पूर्वी नेपाल समाजको चौँथो अधिवेशन सम्पन्न, अध्यक्षमा केदार निरौला
पूर्वी नेपाल समाज दक्षिण कोरियाको चौँथो अधिवेशन सम्पन्न भएको छ। अधिवेशनले केदार निरौलाको नेतृत्वमा २२ सदस्यीय कार्यसमिती गठन गरेको छ।
पूर्वी नेपाल समाजको सभाहलमा सम्पन्न अधिवेशनले वरिष्ठ उपाध्यक्षमा डम्बर बिक्रम मुखियालाई चयन गरेको छ। यसैगरी उपाध्यक्षमा राम राई, रमेश लक्सम लिम्बू, रमेश श्रेष्ठ र इन्जिता राई चयन भएका छन। महासचिवमा गोविन्द विसी चयन हुँंदा सचिवमा हरी खड्कालाई जिम्मेवारी दिइएकोछ। कोषाध्यक्षमा सपना सेलिङ र सह कोषाध्यक्षमा गोविन्द दुलाल चयन गरिएको छ। सदस्यहरुमा अ्मित नेम्बाङ लिम्बू ,नविन तामलिङ लिम्बू ,मनिराम राई ,दिपक कार्की ,अनिल खतिवडा ,ओन खेवा लिम्बू ,पाण्डव राई ,गोविन्द अधिकारी ,राम साम्पाङ राई अर्जुन माङ्फाङ राई र बाबु रोक्का मिलन चयन भएका छन।
अधिवेशनमा उपाध्यक्ष पवित्रा थेवेले स्वागत मन्तव्य राखेका थिए। कोषाध्यक्ष दिपा मेवाहाङ राईले आर्थिक प्रतिवेदन र महासचिव केदार निरौलाले सांगठनिक प्रतिवेदन प्रस्तुत गरेका थिए। संरक्षक अमृत राईको संयोजकत्व रहेको निर्वाचन मण्डलमा वरिष्ठ सल्लाहकार ध्यान राई र सम्सेर पंधाक रहेका थिए र नव निर्वाचित समितीलाई निर्वाचन मण्डलका सदस्य ध्यान राईले सपथ ग्रहण गराएका थिए।
कार्यवाहक अध्यक्ष चित्र घलेको अध्यक्षता र संरक्षक अमृत राईको प्रमुख आतिथ्यमा सम्पन्न अधिवेशनमा गैर आवासिय नेपाली संघ, नेपाली सम्पर्क समिती, नेपाल आदिवासी जनजाती महासंघ, लगायत राजनैतिक दलका प्रतिनिधि , प्रदेश स्तरिय संस्थाका प्रतिनिधि साथै विभिन्न संघ संस्थाका अध्यक्ष एवम प्रधिनिधिहरुको बाक्लो उपस्थिति रहेको थियो।
