कम्पनी परिवर्तन गर्न बाध्य पारिएको आरोप प्रति खण्डन गर्दै आए देव र प्रेमजङ
रुद्रराजले आफूलाई कम्पनि छोड्न बाध्य पारिएको व्यहोरा सहितको एक स्टाटस लेखेका थिए। मेनेजरको चम्चागिरी गर्दै आफूलाई पीडित बनाइएको उध्रीत गर्दै प्रेमजङ र देव नाम गरेका दुइ व्यक्तिलाई आरोप लगाएका थिए। त्यतिमात्र होइन उनले कम्पनीको नाम र ठेगाना सहित उक्त कम्पनीमा खराब व्यवहार गर्ने गरेकोले कोहिपनि झुक्किएर नजानुहोला समेत लेखेका थिए।
यस घटनाले रातारात सामाजिक सञ्जाल तातेको थियो। आरोपित दुइजनालाई यसबारे केहि थाह थिएन्। बिहान फेसबूक खोल्दा त ग्रुप भरी पोस्ट भाइरल भएको थियो।” देवले भने यसैगरी हाल उनी पहिलो कार्यकाल सकेर नेपाल गएको अवगत गराउँदै आफूहरुले आरोपकलाई कहिलेपनि दुर्व्यवहार नगरेको दावि गरे। “उस्को मेनेजर सँग चाहिँ वादविवाद परेको थियो।” प्रेमजङले थपे । “मेनेजरलाई नै प्रहरी बोलाएर केस गरेको तर सीसी क्यामेरामा हातापत नगरेको देखिएपछि उक्त केस त्यहिँ नै रफादफा भएको उनले बताए। यसैगरी प्रहरी आउँदा समेत देव र आफू (प्रेमजङ) लाई थाह नभएको बताए। “हाम्रो काम गर्ने डिपार्ट्डिपार्ट्/ठाउँ नै अलग अलग हुन्छ अझ देव त निकै पर हुन्छ, त्यसैले प्रहरी आएको हामीलाई थाहै थिएन्।” उनले जानकारी गराए। हामीलाई किन आरोप लगाएको हो ? अचम्मित हुँदै प्रेमजङले प्रतिप्रश्न गरे। “म नेपालमा छु। कम्पनीमा अरु नयाँ पुराना साथीहरु छन । सरोकारवाला, नेपाली संघ संस्था, मिडिया आदि त्यहाँ गएर सबै कुरा बुझ्दा स्पष्ट हुने देवको तर्क थियो। मेनेजरसँग झगडा परेपछि सोहि कम्पनीमा कमिटेड कामदारको रुपमा नल्याएको हुनसक्ने दुइजनाको बुझाई छ। “कोरियनले एकपटक नराम्रो देखेपछि कस्तो सोँच्छ? मेनेजरसँग झगडा गरेपछि फेरी ल्याउँछ त? ” प्रेमजङले फेरि प्रतिप्रश्न गरे। उनिहरुले आफूहरुको निकै बेइज्जत / मानहानि भएकोले कानूनी प्रकृयामा समेत जान सकिने बताएका छन्।
आरोपकर्ता रुद्रराज पनि हाल नेपालमा रहेको बुझिएको छ। फोनिज कोरियाले उनीसँग सम्पर्क गर्न खोज्दा यो समाचार तयार गर्दासम्म सम्पर्क हुन सकेको छैन्। तर उनिसँगै नेपालबाट एकसाथ आउने सहकर्मीसँग सम्पर्क गरिएको छ। उनले सुरुको कम्पनी किम्हेमा रहेको र त्यसपछि करिव २१ महिना सँगै काम गरेर सँगै कम्पनी छोडेको बताएका छन्। त्यसपछि उनिहरु अलग अलग कम्पनी प्रवेश गरेको र रुद्रराजले दोश्रो कम्पनी छोडेर आन्सान आएको उनले जानकारी गराए। आन्सानको कम्पनीमा काम गर्दा कम्पनी खासै मन नपरेको साथीलाई बताएको बुझिएको छ।
