कोरियामा ४० जनाभन्दा धेरैलाई ठगी गर्ने व्यक्ति पक्राउ
कोरियामा चालिस जनाभन्दा बढि नेपालीलाई ठगी गर्ने एक व्यक्ति पक्राउ परेका छन्। उनलाई पीडित समूहले पक्राउ गरेको जानकारी प्राप्त भएको छ। पक्राउ परेको व्यक्तिलाई लाखौँ रकम ठगि गरेको आरोप लगाइएको छ।
उनले विभिन्न बहानामा रकम माग्ने र पछि नतिर्ने गरेको बताइएको छ। भने निजले उक्त रकम बेटिङमा खर्च गर्ने र केहि रकम नेपाल पठाएको बुझिएको छ।
केहि हप्ता अघि फ्रड स्क्याम कल आएको रेकर्ड गर्दै एकजना फेसबूक लाइभमा आएर उक्त व्यक्तिबाट सचेत रहन जानकारी गराएका थिए। त्यसपछि उक्त व्यक्तिबाट पीडित हुनेहरुको समूह बन्यो र लामो खोजिपछि पक्राउ गर्न सफल भएको हो। ति व्यक्ति एक्लैले ठगी गरेका हुन वा गिरोह नै छ भन्ने थप विवरण आउन बाँकी छ।
कोरियामा हाल नेपालीले नेपालीलाई नै आर्थिक कारोबारमा ठगी गर्ने र पैसा फिर्ता नगर्ने समस्याहरु बढ्दै गएको पाइन्छ। कसैले अग्रीम डिपोजिटको पैसा नदिएर त कोहि रेमिटयान्सको नक्कलि आइडीबाट अकाउन्ट अपडेड गर्ने भन्दै ठगीमा पर्ने गरेका छन्।
