राज्य मन्त्रीको प्रमुख आतिथ्यमा एनआरएनए कोरियाको एकता महाधिवेशन हुँदै

एनआरएनए दक्षिण कोरियाको एकता महाधिवेशनमा संस्कृति, पर्यटन तथा नागरिक उड्डयन राज्य मन्त्री अरुण चौधरी प्रमुख अतिथिका रूपमा उपस्थित हुने निश्चित भएको आयोजकले जनाएको छ। । अप्रिल ६ (आइतवार) का दिन दोङदेमुनस्थित कुक्मिन हल मा महाधिवेशन हुने भएको छ।

सर्वोच्च अदालतले एकता महादिवेशनका लागि शेष घलेको संयोजकत्वमा गठित उच्च स्तरिय समितिलाई मे महिनाको ५ तारिख सम्म महाधिवेशन गर्न निर्देशन दिएको छ। सोहि अनुरुप कोरियाको राष्टृय समन्वय परिषदको महाधिवेशन हुन लागेको हो।

त्यस्तै, एनआरएनए ICC का पूर्व अध्यक्ष तथा हाल एकता महाधिवेशन उच्चस्तरीय समितिका संयोजक डा. शेष घले विशिष्ट अतिथिका रूपमा कोरिया आउने पनि जानकारी प्राप्त भएको छ । यस महाधिवेशनमा कोरियाली रेल विभागका प्रमुख, सउल महानगरपालिका प्रहरी विभागका प्रमुख, कानुनी मामिला निर्देशक तथा दोङदेमुन सिटी प्रमुख समेतको उपस्थिति रहनेछ ।

साथै, दक्षिण कोरियास्थित नेपाली राजदूतावास, विभिन्न संघ–संस्था, तथा सामाजिक र राजनीतिक व्यक्तित्वहरूलाई समेत आमन्त्रण गरिएको आयोजकले जनाएको छ।

यस अवसरमा विभिन्न नृत्य, गजल तथा गीतहरू समेत प्रस्तुत गरिने प्रवक्ता तथा यूवा संयोजक अजय सोडारीले जानकारी गराएका छन्। उच्च स्तरिय समितिको कार्यविधि अन्तरगत हुन लागेको यस अधिवेशनमा बिपिन गुरुङ नेतृत्वको संस्था एकता महाधिवेशनका लागि सहभागि हुँदैछन भने सोहि  दिन वुद्धि गुरुङ नेतृत्वको एन आर एन एले भने सुवनमा भलिबल प्रतियोगिता आयोजना गर्दैछ।