रेकर्ड ब्रेक गर्दै यो साता कोरियाको ६ शहरमा ‘अञ्जिला’ प्रदर्शन हुने
कोरियाको विभिन्न ६ स्थानहरुमा अञ्जिला प्रदर्शन हुने भएको छ। नेपाली चलचित्रको कोरिया प्रदर्शनमा यसरी एक सातामा ६ स्थानमा प्रदर्शन हुने “अञ्जिला” पहिलो चलचित्र हो। कोरियामा नेपाली चलचित्रको इतिहासमा यस्ले नयाँ रेकर्ड कायम गरेको छ।
यो चलचित्र अप्रील ५ तारिख, फुयू, जिन्छन र नोन्सानमा प्रदर्शन हुँदैछ भने अप्रील ६ तारिख मुगुक, गिम्पो र ओन्याङ ओन्छनमा प्रदर्शन हुनेछ। फुयमा फुय नेपाली समाजले प्रदर्शन गर्दैछ भने जिन्छन र नोन्सानमा क्रमश इवल समाज र नोन्सान एफ सीले प्रदर्शन गर्दैछ। यसैगरि मुगुकमा हिमालयन एफ सीले प्रदर्शन गर्नेछ भने गिम्पो मा गिम्पो ब्रदर्स र ओन्याङ ओन्छनमा धनकुटा सेवा समाजले प्रदर्शन गर्ने भएको छ।
नेपालमा ब्लक बस्टर भएको चलचित्र अञ्जिलालाई कोरियाको पहिलो शोमा अत्याधिक रुचाइएको पाइयो। चलचित्र धेरै राम्रो बनेको दर्शकले प्रतिकृया दिएका थिए। महिला राष्टृय फूटबल टिमका कप्तान अञ्जीला तुम्बापोको जीवन कथामा आधारित चलचित्र कोरियामा उनको भवन निर्माण एवम फूटबल एकेडेमी सहयोगार्थ प्रदर्शन हुँदैछ।
किरात याक्थुङ चुम्लुङ कोरिया आधिकारिक वितरक र नेपाल फूटबल महासंघको समन्वयमा चलचित्रलाई प्रदर्शन गरिँदैछ। गतहप्ता यस चलचित्रलाई ह्वासङ स्थित फारानमा प्रदर्शन गरिएको थियो। दोश्रो हप्ता मोक्पो र थेजनमा हाउसफुलका साथ प्रदर्शन भएको थियो। यस चलचित्रलाई मार्च २ तारिख सौलमा प्रीमियर गरिएको थियो।
