अन्डर १४ को नेपाली फुटबल टोली कोरिया आउदै
सोल – दक्षिण कोरियामा हुने एशियन फुटबल फेस्टामा भाग लिन नेपालको १४ वर्षमुनिको फुटबल टोली आज कोरिया आउदै छ ।
दक्षिण कोरियाको आनसानमा आउँदो शुक्रबारदेखि सोमबारसम्म हुने फेस्टामा एशियाका सबै देशको सहभागिता रहने छ । फेस्टामा सहभागी देशका टिमहरुबीच मैत्रीपूर्ण खेल हुनुका साथै फुटबल सम्बन्धी अरु गतिविधि पनि हुने छन् । कोरिया जाने १४ वर्ष मुनिका नेपाली टोलीमा देवेन्द्रजंग शाही व्यवस्थापक र यमप्रसाद गुरुङ प्रशिक्षक छन् ।
यस्तै खेलाडीहरुमा दिपेश गुरुङ, आयुश घलान, मनज्ञ नकर्मी, हार्दिक पौडेल, प्रदिप लम्साल, कुशल परियार, सञ्जोक केसी, सन्देश देवकोटा, युवराज थापा मगर, अविनव थापा, नेत्रबहादुर कार्की र नितेश सिंह बम रहेका छन् ।
