राजदूत मैत्री कपको टीम दर्ता अक्टोबर ११ सम्म

सोल-हिन्दुहरुको दशैंको उपलक्षमा सोलस्थित नेपाली राजदूताबासले आयोजना गर्दै आएको राजदूत मैत्री रनिङ कप फूटबल यो बर्ष पनि संचालन हुने भएको छ |

दूताबासले जनाए अनुसार यो बर्षको सिजनमा सहभागी हुन चाहने फुटबल टिमले अक्टोबर ११ दिनको १२ बजेसम्ममा दूताबासमा टीम दर्ता गराई सक्नुपर्नेछ | सोहि दिन दिउसो ४ बजे टाईसिट प्रकाशन हुने जनाइएको छ |

दूताबासद्वारा जारी गरिएको खेल कार्यक्रम अनुसार क्वाटर फाइनल खेल अक्टोबर १८ मा हुने छ | त्यस्तै सेमीफाइनल ,फाइनल तथा तृतीय स्थानको लागि अक्टोबर २५ तारिक हुने छ |

राजदूताबास र कोरियामा रहेको नेपाली समुदायबीच मैत्रीपूर्ण समबन्ध स्थापना गर्ने उद्धेश्यले स्थापना गरिएको उक्त कप गत बर्षबाट शुरु गरिएको हो |

यो सिजनको सबै खेलहरु वाल्कुक दोङमा रहेको वाल्कुक आर्टिफिसियल टर्फ स्टुडियममा हुने जनाइएको छ |