कोरियामा नेपाली नारीहरुले दर खाएर तिज मनाए

सोल -कोरियामा कार्यरत नेपाली नारीहरुले  नेपाली हिन्दु नारीहरुको महान चाड हरितालिका तिज यहि सेप्टेम्बर ६ तारिखका दिन एक कार्यक्रमको आयोजना  गरि भब्य रुपमा मनाएका छन् | सौलको तुन्देमुन स्थित लक्ष्मी रेस्टुरेन्टको सभाहलमा मनाइएको तिज कार्यक्रममा  सौल देखि निकै टाढाका चेलीहरु पनि आएका थिए | नेपाली रातो/ हरियो साडी , ब्लाउज र कुर्ता सलवारका साथमा नेपाली गरगहनामा सजिएका चेलीहरुलाई देख्दा नेपालमै भए जस्तो लाग्ने  एक सहभागीले बताएका थिए  | त्यसैमा नेपाली स्वादिष्ट  खानाको साथमा तिजको दर को पनि व्यवस्था गरिएको थियो |दर खादै, टाढाटाढाका दिदिबहिनिसंगको भेटघाट, दुख सुख साटासाट र तिजका गीतमा  झम्म झम्म कम्मर मर्काई मर्काई  नेपाली चेलीहरु नाच्दा बाताबरण निकै रमणीय बनेको थियो |

दक्षिण कोरियामा सन् २०१० मा स्थापित महिलाहरुको मात्र एक सामाजिक संस्था वुमन फर वुमन को आयोजनामा मनाइएको तिज बिशेष कार्यक्रम का प्रमुख अतिथि दक्षिण कोरियाका लागि श्रम सहचारी अनिल कुमार गुरुङ रहेका थिए |बिशेष अतिथिहरुमा एनआरएनए कोरियाका अध्यक्ष बिनोद कुँवर,नेपाल आदिबासी जनजाती महासंघका अध्यक्ष चित्र मोक्तान ,नेपाली सम्पर्क समितिकी  बरिस्ठ उपाध्यक्ष अन्जु के.सी ,नेपाली जनसम्पर्क समितिका अध्यक्ष नबराज सिवाकोटी ,ओ.एन.एफ् कोरियाका अध्यक्ष गोबिन्द गाउँले ,नेपाली जनाधिकार मंचका अध्यक्ष सागर न्यौपाने ,सोनसिककि अध्यक्ष इन्दिरा तिवारी,निबर्तमान अध्यक्ष जुनु गुरुङ ,संरक्षक गंगा थापा श्रेष्ठ र लक्ष्मी लामा गुरुङ्ग ,ई.पी .यस बाट आएकी  नब आगन्तुक चेलीको तर्फबाट नारायणी जी एम लगाएत विभिन्न संघसंस्थाहरुको अध्यक्ष तथा प्रतिनिधि सहित २०० जना भन्दा बढीको उपस्थिति रहेको थियो |

वुमन फर वुमनकि अध्यक्ष मल्लिका थकालीको अध्यक्षता भएको तिज बिशेष कार्यक्रमको  प्रमुख अतिथि दक्षिण कोरियाका लागि श्रम सहचारी अनिल कुमार गुरुङले दियो बालेर उद्घाटन गरेका थिए| उपस्थित सम्पूर्ण महानुभाबहरुलाई बरिस्ठ उपाध्यक्ष गौरी बोगटीले मन्तब्यले स्वागत गरेकी थिईन भने संचालन सचिब ऋतु भट्टचनले गरेकी थिईन |

कार्यक्रमको सफलता र तिजको शुभकामना मन्तब्य राख्दै अतिथिहरुले भनेका थिए “ प्रबासी भूमिमा पनि नेपाली चाडपर्बहरु यसरी मनाउनु पाउदा नेपाली संस्कृतिहरु संरक्षण र प्रचार प्रसार पनि हुने,नेपालमै परिवार छिमेकी संग भए जस्तै लाग्ने,एक दिन भए पनि दुख सुख मेटिने ,अझ बक्ताहरुले वुमन फर वुमनले सामाजिक सेवामा पुरयाएको योगदानको कदर र चर्चा पनि गरेका थिए ” |

वुमन फर वुमनले सन् २०१२ देखि महिलाहरुको लागि मात्र एक सेल्टर संचालन गरेको छ भने ६०० जना भन्दा बढीले सेवा लिएका छन् त्यसै गरि हरेक महिना मा १ स्वास्थ्य शिबिर ,भाषा कक्षा संचालन र यहाँ रहेका दुखि बिरामी हरुलाई सक्दो सहयोग पनि गर्दै आएको छ|