कोरियामा दोहोरो कमाईसँगै नाम कमाउने नेपाली
मीनप्रकाश उप्रेती
सोल – कोरियामा काम गर्न आएका एक नेपालीले कम्पनीले दिने तलब भन्दा बढी पैसा बिदाको दिनलाई सदुपयोग गरेर कमाउने गरेका छन् । सर्लाही नवलपुरका नरेन श्रेष्ठ रोजगार अनुमति प्रणाली बाट कोरिया आएका हुन तर उनी बिदाको दिनलाई सदुपयोग गरेर कम्पनीको भन्दा बढी पैसा कमाउने गर्दछन् ।
कोरियामा छायाङ्कनको काम गर्दै आएका श्रेष्ठले दाम सँगै नाम पनि उतिनै कमाएका छन् । अहिले श्रेष्ठलाई म्युजिक भिडियो , सर्टमोभि ,विवाह पाटी र समाचार छायाङ्गनमा भ्याई नभ्याई छ । यी सबै कामहरू उनी कम्पनीमा बिदा भएको दिनमा गर्ने गर्दछन् ।
नेपाली म्युजिक भिडियो प्रा.लिई.को सुटिङ्ग स्थलमा अनलाइन कर्मि सँग भेट हुदा श्रेष्ठ निकै ब्यस्थ थिए । त्यतिबेला उनी प्रसिद्ध गायक प्रमोद खरेलको स्वरमा रहेको “मेरो दिलमा तिर हानी गयौ तिमी अर्कै छानी ” गीतको सुटिङ्गको अन्तिम चरणमा थिए ।
सानै देखि क्यमरामा रुचि राख्ने श्रेष्ठ जीवनको मुख्य लक्ष्य कुशल सिनेग्राफर बन्ने रहेको बताउछन । उनको क्यमरा प्रतिको प्रेरणा भने गज्जवको छ । स्कुल पढ्दा शैक्षिक भ्रमणमा पोखराको महेद्रगुफा पुगेका बेला आफ्नै शिक्षकको फोटा बिगर्दा खानुपरेको गाली आजभोलि उनी मार्गदर्शकको रूपमा लिएर हिड्ने गरेको बताउछन ।
पन्ध्रलाख रुपया बराबरको सिने सामाग्री जोडेर काम गर्दै आएका श्रेष्ठले मासिक दुईलाख रुपया सम्म यसैबाट कमाउने गरेका छन् । प्रतिदिन चार घण्टा मात्र सुत्ने गरेको बताउने श्रेष्ठले कमंपनिको कामलाई पहिलो प्रथमिकता दिने गरेका छन् । कोरियामा कुशल क्यमरामेनमा नाम कमाउदै आएका श्रेष्ठलाई नेपालीहरूले हरेक कार्यक्रममा सम्झने गर्दछन् ।उनले छायङ्गकन गरेका गीतहरू म्युजिक भिडियो अवार्डमा समेत छनैाट भएका छन् ।
श्रेष्ठले छायाङ्कन गरेका गरेका म्युजिक भिडियोहरुमा धरोधर्म तिमिलाई माया मार्याभए कसम ,मेरो दिलमा तिर हानी गयौ तिमी अर्कै छानी ,चोखो माया लाउछु भन्थे मुटु तेसै तोडिएछ , म सङ्ग मन छ तिमी सङ्ग माया भए ,मुटु फिर्ता दिएर जाऊ यदि छाडेर जान्छौ भने ,मलाई माया गर्ने मुटु दुख्दा कति रोयौ होला लगायत दुई दर्जन बढी गीतहरू रहेका छन् ।
युनिभर्शल अनलाइन टेलिभिजन , नेपाली म्युजिक भिडियो प्रा.लि. र सुनाखरि ब्याडका ब्यवस्थापक तथा सिनेग्राफर रहेका श्रेष्ठ कोरियाको चर्चित कार्यक्रम कोरिया सन्देशका क्यामेरामेन रहेका छन् ।
