दोस्रो किम्हे माईग्रेण्ट फुटबलको उपाधी एभरेष्ट क्लब बुसानको पोल्टामा
गतशालबाट शुरू भएको किम्हे माईग्रेण्ट हाउस एक दिवशीय फुटबल प्रतियोगीता यो बर्ष पनी सम्पन्न भएको छ। किम्हे माईग्रेण्ट हाउस खेलकुद समितीको आयोजनामा सम्पन्न भएको उक्त प्रतियोगीता, खिम्हे इमोहो खोदोङ हाक्यो र खाया देहाक्योको फुटबल मैदानमा भएको थियो। विहान ८:५० बाट शुरू भएको सो प्रतियोगीतामा याङसान एफ सी ,हालिम तथा जिल्ले एफ सी, मिर्याङ एफ सी, हिमालयन बोईज एफ सी,ईमानुयल एफ सी,किम्हे माईग्रेण्ट एफ सी, एभरेष्ट एफ सी बुसान,राइजिङ नेपाल एफ सी, ललितपुर एफ सी,डेउ एफ सी र हिमालयन एफ सी सहभागी रहेका थिए।
उल्लेखनिय मात्रमा दर्शकहरू रहेको अनि नकआउट पद्दतिको आधारमा सम्पन्न भएको उक्त प्रतियोगीता साँच्चै रोमाञ्चक भएको थियो। सेमीफाईनल र फाईनल चरणका खेलहरू भएको खाया देहाक्योको फुटबल मैदानमा किम्हे माइग्रेण्ट एफ सी,हिमालयन बोईज एफ सी, एभरेष्ट एफ सी बुसान र अन्नपुर्ण एफ सी अन्तिम चारमा पुगेका थिए। एक – एक गोलको बराबरी भएपछी आयोजक किम्हेमाईग्रेण्ट एफ सी लाई पेनाल्टीमा ३-२ ले हराउँदै हिमालयन बोईज फाईनलमा प्रबेश गरेको थियो। त्यस्तै गरेर अन्नपुर्ण एफ सी लाई हराउँदै एभरेष्ट बुसान पनी फाईनलमा प्रवेश गरेको थियो। समय अभाबका कारण ढिलो हुनपुगेको फाईनल खेलमा बुसान एभरेष्टले हिमालयन बोईजलाई ३- ० ले हराउँदै उपाधी चुम्न सफल भयो।
प्रथम भए संगै बुसान एभरेष्ट ले प्रथम पुरस्कार १० लाख वन, कप तथा प्रमाणपत्र हातापार्यो भने दोस्रो स्थानमा रहदै हिमालयन बोईजले ७ लाख वन,प्रमाणपत्रमा चित्त बुझायो । त्यस्तै गरेर खेल अबधीकै उत्कृष्ट खेलाडीको उपाधी भने हिमालयन एफ सी ९९ जर्सीका खगेन लिम्बुले हातापारे। उत्कृस्ट खेलाडीको उपाधी संगै १ लाख वन, प्रमाण पत्र लिम्बुको नाममा रहन पुग्यो । किम्हेमाईग्रेण्ट हाउसका अध्यक्ष यज्ञराज सुवेदीले सहभागी टिम, उपस्थित दर्शक सबैलाई विशेष धन्यबाद दिएका थिए।
