तिहारपछि सुनचाँदीको भाउ घट्यो
काठमाडौं – तिहारपछि सुनचाँदीको भाउ घटेको छ । तिहारका बेला प्रति तोला ४९१०० रुपैयाँ रहेको सुनको भाउ तिहारपछि ४०० रुपैयाँ घटेर ४८७०० रुपैयाँ प्रति तोलामा आएको छ ।
चाँदीको भाउ पनि झरेको छ । धनतेरसको दिन ७०० रुपैयाँ तोला रहेको चाँदीको भाउ भोलीपल्ट ६९५ रुपैयाँ थियो । तिहारपछि खुलेको बजारमा चाँदीको भाउ अझ घटेर ६८० रुपैयाँ तोलामा आएको छ ।
नेपाल सुन चाँदी महासंघले प्रति १० ग्राम सुनको मूल्य ४१७५५ रुपैयाँ तोको छ । चाँदीको ५८३ रुपैयाँ पर्छ । अन्तर्राष्ट्रिय बजारमा भने मूल्यमा त्यति उतारचढाव देखिएको छैन । डलरको भाउ भने बढेको छ ।
