मलेसियामा महिला हत्याको आरोपमा ६ नेपाली पक्राउ, दुताबास भने बेखबर
मलेसिया – वैदेशिक रोजगारीका लागी मलेसियाको मुहारमा रहेका ६ नेपालीलाई प्रहरीले पक्राउ गरेको छ । मलेसियाको स्थानिय एक महिला निर्बम रुपमा हत्याको आरोपमा पक्राउ परेका हुन् । मलेसियाको जोहर राज्यको मुहारबाट नेपालीलाई पक्राउ गरीएको जनाएको छ । जोरका जिल्ला प्रहरी प्रमुख अजमान आरुवलाई उद्धृत गर्दै मलेसियाका स्थानिय संञ्चार माध्यमले जनाएका छन् ।
मुहारमा बिद्यालयको पिउन काम गर्दै आएकी २९ वर्षिय महिला नुरुल सहिरालाई हत्या आरोपमा नेपाली युवालाई प्रहरीले कार्यरत स्थानबाट पक्राउ गरेको प्रकाशित खबरहरुमा जनाइएको छ । मृतक महिलाको घाटीमा टाइ बाँधिएको अवस्थामा महिलाकै घरवाट प्रहरीले शव भेटाएको थियो ।
ति महिलाको हत्यामा वैदेशिक रोजगारीमा रहेका नेपाली श्रमीकको संलग्नता आशंकामा प्रहरीले नियत्रणमा लिएको जनाएको छ । यद्दपी पक्राउ परेका नेपालीहरुको नाम, ठेगाना र कम्पनीको नाम समेत केहीे खुलाएको छैन ।यद्दपी २५ देखी ४५ उमेर समुहका ६ नेपाली युवालाई हत्या आशकामा प्रहरीले नियत्रणमा लिएर अनुसन्धान थालेको स्थानिय सञ्चार माध्यमले जनाएका छन् ।
जोरमा भएको महिला हत्याको आरोपमा पक्राउ पर्ने नेपालीका सम्बन्धमा मलेसियास्थित नेपाली दुतावासका कर्मचारी समेतलाई कुनै जानकारी नभएको जनाएको छ । यद्दपि दुताबासले अब जानकारी लिने जनाएको छ ।
