नेपाली कामदारको विकल्प खोज्दै मलेसिया सरकार
क्वालालम्पुर–केही यस्ता कारण छन् जस्ले नेपालसँग मलेसिया रुष्ट बनेको पुष्टी गर्छ । भलै मलेसियाले मुख खोलेर भने यो कुरा प्रष्ट पारेको छैन् । गत असारबाट नेपाल सरकारले एकतर्फी रुपमा लागु गरेको फ्रि (भिषा, फ्रि (टिकट कार्यक्रमदेखि नै मलेसिया मौन बनेको हो ।
फ्रि (भिषा, फ्रि (टिकटको रटान लगाउँदै नेपाल सरकारले कामदार नदिने, मलेसिया सरकारले पनि फ्रि मा कामदार लेउ नभन्ने गर्दा नेपाली कामदार मलेसिया आउने क्रम अहिले न्युन बनेको छ । यसैबाट थाहा हुन्छ, कि नेपालको कदमप्रति मलेसिया असहमत छ भन्ने |
कामदार ल्याउने सन्र्दभमा नेपालसँगको सम्बन्ध चाहेजस्तो नबनेपछि मलेसिया बंगलादेशतर्फ मोडिएको हो । बंगलादेश पनि मलेसिया र नेपालबीचको सहकार्य अन्त्यको पर्खाइमा थियो । हिजो चाहेर पनि पाउन नसकेको उपलब्धी अहिले बंगलादेशलाई मिल्न लागेको छ । बंगलादेशबाट ल्याउन लागिएका १५ लाख कामदार व्यवस्थापनका लागि मलेसियाले यतिबेला आन्तरिक गृहकार्य तीब्र पारेको छ ।
अझै अचम्मको कुरा सन २०२० भित्र विदेशी कामदार २ प्रतिशत कटौती गर्ने मलेसिया सरकारले बताइसकेको छ । विदेशी कामदार कटौती गर्ने बताइरहेको मलेसियाले १५ लाख बंगालादेशी कामदार ल्याउने तयारी तीब्र पार्नुले नेपालप्रति रुची घटेको स्पष्ट देखिन्छ । बंगलादेशी कामदार सँगसँगै मलेसियाले म्यानमारबाट बिस्थापित बनेका रोहिङ्ग्या शरणार्थीलाई पनि रोजगारी दिने तयारी थालेको छ ।
यी कुराहरुले प्रष्ट पार्छ मलेसियाको नेपाल बिक्रषण
–बंगलादेशबाट १५ लाख कामदार ल्याउने तयारी ।
–म्यानमारबाट विस्थापित १ लाख ३५ हजार रोहिङ्ग्या शरणार्थीलाई वैधानिक कामदार बनाउने तयारी ।
–सन् २०२० भित्र २ प्रतिशत विदेशी कामदार कटौती गर्ने तयारी ।
–वैधानिक होस् या अवैधानिक कामदार घर फर्किन चाहे तुरुन्त फर्कन सक्ने व्यबस्था ।
–नेपाल सरकारले गत असारबाट लागु गरेको फ्रि (भिषा, फ्रि (टिकट कार्यक्रममा सहकार्य नगर्नु ।
–नेपाल बाहेकका मुलुकसँगको सहकार्य यथावत हुनु ।
–अवैधानिक कामदार वैधानिक बन्न पाउने सीक्स (पीको प्रक्रिया घोषणा हुन नसक्नु ।
हाल मलेसियामा शरणार्थी अवस्थामा रहेका १ लाख ३५ हजार रोहिङ्ग्यालाई वैधानिक कामदारको हैसियतमा स्वीकार गर्ने तयारी भइरहेको उपप्रधानमन्त्री अहमद जाहिद हमिदीलाई उद्वृत गर्दै यहाँका पत्रपत्रिकाले खबर छापेका छन् । नेपालबाहेक अन्य कामदार ल्याउने मुलुकसँगको सम्बन्ध यथावत हुनु । वैधानिक होस् या अवैधानिक घर फर्किन चाहने कामदार तुरुन्त्तै घर फर्किन पाउनु, कुनै रोकतोक नगर्नु ।
अवैधानिक कामदार वैधानिक बन्न पाउने सिक्स पीको कार्यक्रम घोषणा नगर्नु यि सबै कारणबाट मलेसियाको नेपाली कामदारप्रतिको रुची र आवश्यकता घटेको बुझ्न सकिन्छ ।
