डिप्रेशनबाट बच्न यी उपाय उपनाउनुहोस
सोल – व्यस्त दैनिकी जिउने मानिसका लागि तनाव सामान्य कुरा हो । जिन्दगीमा आउने उतार चढावका कारण पनि मानिस तनावमा रहन्छन् । तर, यदी तनाव लामो समय रह्यो भने मानिसलाई डिप्रेशन हुनसक्छ
डिप्रेशनको यकिन कारण पत्ता नलागेपनि यसका सहायक कारण भने थुप्रै छन् । केही बानी सुर्धाने हो भने डिप्रेशन कम हुनसक्छ । भारतीय साइकोलोजिस्ट डाक्टर अनामिका पापडीवाल डिप्रेशनबाट बच्न यि ५ कारण पत्ता लगाएर यसको समाधान खोज्नुपर्ने बताउँछिन् ।
१ खानामा ज्यादा कार्बोहाइडेट लिनु डिप्रेशनको कारण
चिप्स कुकीज, सोडा जस्ता खानाले तपाईको स्वास्थ बिर्गानुका साथै डिप्रेशन निम्त्याउन सक्छन् । थुप्रै अनुसन्धानले यसको पुष्टि गरिसकेको छ । ज्यादा रिफाइन्ड कार्बोहाइटेडले थकाईसँग डिप्रेशन बढाउँछ । यसले रगतमा सुगरको मात्रा अचानक घटाएर मानिसलाई कमजोर बनाउँछ । साथै हर्मोनमा पनि परिवर्तन ल्याउन सक्छ । त्यसैले नियमित सागपात खाएर यस्तो अवस्थाबाट मुक्ती पाउन सकिन्छ । तपाई सिजनल फलफूल र तरकारी धेरै खानुहोस् र चिप्सजस्ता कार्बोहाइडेट पाइने पदार्थ कम खानुहोस् । दैनिक कुनै न कुनै फलफूल खानाले पनि डिप्रेशनमा कमी आउँछ ।
२ न्युज धेरै हेर्ने बानी
मानिसलाई देश दुनियाँको खबर हेर्न मनलाग्छ । तर सधैँ समाचार हेर्ने र सुन्ने बानी पनि डिप्रेशनको कारण हो । बिहानैदेखी बेलुकीसम्म मारपिट, हत्याहिंसा, आविश्वास लगायतका खराब समाचार सुन्नाले हाम्रो सोच पनि नकारात्मक हुन्छ । त्यसैले सधैँ समाचार हेर्ने र पढ्ने बानी त्याग्नुहोस् । हेडलाईन्स थाहा पाउन बिहान पत्रिका पढ्ने वा केही न्युज पोर्टल हेर्ने गर्नुहोस्। यसबाहेक दैनिक एक घण्टा टिभीमा समाचार हेर्दासम्म खास फरक पर्दैन ।
३ सामाजिक सञ्जालको अत्याधिक प्रयोग
फेसबुक जस्ता समाजिक सञ्जालले मानिसलाई दैनिक जीवनमा जोड्न महत्वपूर्ण भूमिका खेल्छन् । तर, यस्ता समाजिक सञ्जालले विकृती समेत बढाउँछ । अत्याधिक रुपमा समाजिक सञ्जालमा झुम्मिने बानी परेकाहरु आफ्ना साथिभाईलाई समय दिन भ्याउँदैनन् । त्यसपछि साथीभाईसँगै नै दूरी बढ्न थाल्छ । मानिसहरुलाई अरुसँग बोल्न त्यति मन गर्दैनन् र कन्फिडेन्स घटेपछि डिप्रेशनतर्फ जान्छ । आफ्नो समयलाई असर नपर्ने गरि मात्रै सामाजिक सञ्जालको प्रयोग गर्नुहोस् । त्यस्तै अरुसँग आफ्नो तुलना गर्न कम गर्नाले पनि डिप्रेशन घटाउँछ ।
४ व्यवस्थापनको काम गर्नाले
कोलम्बिया युनिर्भसिटीको एक अध्ययनले बताएअनुसार कर्पोरेट कल्चरमा काम गर्ने सुपरभाइजर तथा म्यानेजर सबैभन्दा धेरै तनावमा हुन्छ । जबकी उनीहरुभन्दा तल्लो तहमा काम गर्नेलाई तनाव कम हुन्छ । विज्ञहरुका अनुसार जिम्मेवारीले पनि तनाव बढाउँछ । व्यवस्थापनसँग जोडिएको जागिरमा अत्यावश्यक निर्णय लिनुका साथै आफ्नो टार्गेट पुरा गर्नुपर्ने दबाब हुन्छ । त्यसैले तनाव बढ्छ । यस्तो तनावबाट बँच्नका लागि रणनिति बनाएर सिस्टम अनुसार काम गर्नुपर्छ । त्यस्तै दैनिक ४५ मिनेटदेखि १ घण्टासम्म अभ्यास गर्नाले पनि तनाव घटाउन भूमिका खेल्छ ।
४ व्यवस्थापनको काम गर्नाले
सधैँ काममा जोडिनु राम्रो विषय हो । तर कार्यालयमा आफ्नो क्षमताभन्दा बढीको जिम्मेवारी लिने व्यक्तिहरु पनि तनावमा हुन्छ । उनीहरुलाई लगातार काम गर्नुपर्छ जसले गर्दा शरीर तथा दिमागमा अनावश्यक तनाव बढ्छ । निश्चित समयपछि त्यस्तो गर्ने व्यक्तिको क्षमता समेत घट्दै जान्छ । यसको निवारणका लागि कार्यालय होस् वा घर त्यति नै काम गर्नुहोस् जति तपाईको क्षमता छ । त्यस्तो काम नै रोज्नुहोस् जून तपाई सहज ढंगबाट गर्न सक्नुहुन्छ ।
