कोरिया ‘हिउँद कविता’ले साहित्यमय बन्यो

सोल -हिउँद कविता २०१५  मार्फत  दक्षिण कोरियाको चिसो मौसमलाइ साहित्यअनुरागीहरुको  बहस र बाचनले थेगु शहरलाई  गरमागरम बनायो । कोरियाका सबै क्षेत्रबाट उपस्थित साहित्यअनुरागीहरुको बाक्लो उपस्थितिले आइतबार थेगु साहित्यमय बनेको थियो ।

नेपाली साहित्य समाज दक्षिण कोरिया र अन्तराष्ट्रिय नेपाली साहित्य समाज कोरिया च्यप्टरले आयोजना गरेको बहस र बाचनमा साहित्यकर्मीले नेपाली साहित्यको बर्तमान अवस्था र डायस्पोरा साहित्यका बारेमा विचारणीय खुला  बहस गरे ।

सय भन्दा बढी भेला भएको  कार्यक्रममा साहित्य अनुरागीहरुले कविता ,गजल ,मुक्तक र गितहरु प्रस्तुत गरे । भूकम्प,नाकाबन्दी ,छिमेकी देश ,देशको  बर्तमान परिवेशका  पिडाहरु आफ्ना रचनाहरु  मार्फत प्रस्तुत भएका थिए । साहित्यकार रमेश सायनको कविता आमाको देश प्रस्तुत गरिदा कार्यक्रम हल नै सुनसान जस्तै बन्यो । सायनको उक्त कविताले परदेश भएका सबैको मन छोयो । अर्का साहित्य अनुरागी सन्तोष पौडयाल राता फूलहरु शिर्षकको  कबिता मार्फत झुल्किए । पौड्यालको कविता  जनकपुरमा राष्ट्रपति बिद्या भण्डारीलाइ गरिएको दुर्ब्यबहार प्रति आक्रोश थियो ।

नबपुस्ता बिस्तारै सृंगारिक गजल तर्फ आकर्षित भएको कार्यक्रममा प्रस्तुत भएका गजल मार्फत देखियो । युवा साहित्य अनुरागी देबसागरले मिठो लयमा सृंगारिक गजल बाचन गरे । अर्का नबप्रतिभा ओखलढुंगाका जितेन्द्र बानियाले  लयात्मक कविताको साथमा कोरियन भाषामा लेखिएको उनको कविता पनि  सुनाए । प्रमोद सारंग र खगेन्द्र पराजुलीले मुक्तक बाचन गरे । अधिकांश नबप्रतिभाहरु रहेको साहित्यिक माहोलमा सुर्य खत्री घायल ,बिदुर शर्मा ,निश्चल नबिन ,डी आर अटु , अज्ञात पाल्पाली  लगायत अन्य  तिन दर्जन भन्दा भन्दा बढी साहित्यअनुरागीले आफ्ना रचना बाचन गरेका थिए । कबि तुलसी दिवसले  नेपालदेखि फोन सम्पर्कमा सुभकामना मन्त्यब्य दिएका थिए । उनले कविता बाचनपछि मात्रै पूर्ण हुने सुभकामना सन्देशमा  ब्यक्त गरे ।

कार्यक्रमको पहिलो सेसनमा नेपाली साहित्यको बर्तमान अवस्था र डायस्पोरा साहित्यबारेमा भएको बहसमा उठेका प्रश्नहरुको अन्तराष्ट्रिय नेपाली साहित्य समाज कोरिया च्यप्टरका उपाध्यक्ष प्रमोद सारंग र साहित्यकार रमेश सायनले जवाफ दिएका थिए । सायनले विदेशमा लेखिएको नेपाली  साहित्यलाई  डायस्पोरा साहित्य भन्न नसकिने धारणा राखे । साहित्यअनुरागी सन्तोष पौड्यालले छन्द कविता माथि  गद्य कविता बर्तमानमा बढी हाबी देखिएको प्रति चिन्ता ब्यक्त गरे ।

साहित्यकार जीवन खत्रीको शालीन र आकर्षणयुक्त उद्धघोषणले साहित्यिक कार्यक्रम अझ रोचक बनेको थियो । हिउँद कविता २०१५ , बहस र बाचन अहिलेसम्मकै बृहत र सफल भएको भन्दै  नेपाली साहित्य समाज दक्षिण कोरियाकी  अध्यक्ष कल्पना राईले सन्तुष्टि जनाइन ।