जनजाति महासंघ जापानले फेब्रुवरी ७ मा बृहत ल्होसार सांस्कृतिक साँझ गर्ने
शान्त पहरी
जापान – नेपाल आदिवासी जनजाति महासंघ जापानको आयोजनामा आगामी फेब्रुवरी ७ तारिखमा बृहत संयुक्त ल्होसार सांझ २०१६ आयोजना गर्ने भएको छ ।
टोकियोको मेगुरो कुमिन सेन्टरमा हुने कार्यक्रमबाट नेपालको भुकम्पपिडित बालबालिकाको शिक्षामा सहयोग गर्ने उद्धेश्यले नेपालका चर्चित तथा ख्याति प्राप्त कलाकारहरु संगै स्थानिय कलाकारहरुको बेजोड प्रस्तुति साथै परदेशमा आदिवासी जनजातिहरुहरुको आफनै कला संस्कृति समेत झल्कने गरि कार्यक्रमको भब्य तयारी गरिएको जनजाति महासंघ जापानका अध्यक्ष पासाङ शेर्पाले जानकारी दिनुभयो ।
सो कार्यक्रम नेपाल आदिवासी जनजाति महासंघ जापान तथा सह-आयोजकमा जापानमा क्रियासिल सम्पूर्ण एकल जातिय संस्थाहरु नेपाल शेर्पा संघ जापान , नेपाल मगर संघ जापान ,किरात याक्थुङ चुम्लुङ जापान ,तमूधि जापान ,किरात राई यायोक्खा जापान ,तामाङ समाज जापान ,थकाली सेवा समाज जापान ,मनाङ सोसाईटी जापान ,नेवा जागरण मंच जापान आदि संघ संस्था हुने जनजाति महासंघले जनाएको छ ।
उक्त बृह्त ल्होसार सांस्कृतिक साँझको लागि चर्चित लोक गायक , गायिका नेपालबाट ल्याउने नेफिन जापानले जानकारी गराएको छ ।
बृह्त संयुक्त ल्होसर सांस्कृतिक साँझ २०१६ तयारीको लागि कार्यक्रम मूल तयारी संयोजक पेम्बा लामालाई जिम्मा दिएको छ भने सदस्यमा पधदिकारी सदस्यहरु सबैलाई जिम्मा दिएको छ ।
त्यस्तै कार्यक्रम उपसंयोजक तथा कलाकार ब्यबस्थापन संयोजक हवल चन्द्र लामा ,हल व्यवस्थपन तथा सांस्कृतिक संयोजकमा महासचिव हर्क गुरुङ , कार्यक्रम प्रचार प्रसार संयोजक कुमार मोक्तान लामा ,टिकट बितरण संयोजक अस्मिता तामाङलाई संयोजन बनाएको छ साथै अतिथि सत्कार संयोजकमा सोम माया गुरुङ ,स्वयंसेवक संयोजकमा भेषराज चेम्जोङ लाई जिम्मा दिएको नेपाल आदिवासी जनजाति महासंघ, जापानले जानकारी दिएको छ ।
