कोरियामा बिराट सांगीतिक सौगातका लागि कलाकारहरु चयन
सोल – डाइनामिक मोरङ कमिटि दक्षिण कोरियाद्वारा आउदो सलनाल २०१६ फेब्रुअरी ७ तारिख हुने बिरात सांगीतिक सौगात कार्यक्रमका लागि कलाकारको छनौट गरिएकोछ|
साँस्कृतिक कार्यक्रमका लागि नेपालका ख्यातिप्राप्त कलाकारहरुलाई आमन्त्रण गरिएको कुरा डाइनामिक मोरङ कमिटिका अध्यक्ष जिबन थापाले जानकारी गराए| सांगीतिक सौगातका लागि किंग अफ् नेपाली पप भनेर चिनिने चर्चित पप गायक धिरज राई ,चर्चित आधुनिक गायिका तथा मेलोडी क्विन मिलन अमात्य ,बहुचर्चित लोक गायक शिब परियार , सफल गायक तथा नायक बाबु बोगटी,हट नायिका तथा मोडल माला लिम्बु र चर्चित हास्यब्यङ्ग कलाकार द्वय सागर लम्साल (बले ) र हरि निरौला (कक्रोच) आउने भएका छन् |
नेपालका असामान्य बालबालिकाका लागि सहयोग गर्ने उद्देश्य राखेर आयोजना गर्न लागिएको सांगीतिक सौगात २०१६ फेब्रुअरी ७ तारिखका दिन सौलको संबुक शहरको संबुक कुमिन यसंग ह्वेग्वानमा अर्थात् गत चुसकमा गोर्खा परिवारले आयोजना गरेको हलमा आयोजना गरिने जनाइएको छ| कार्यक्रम हलमा जाने तरिका ट्रेन लाइन नम्बर ४ हान्संग दे इब्गु गेट नम्बर ६बाट निस्केर १ नम्बरको माउल बसमा चढी एक स्टेसनमै झरेर पुगिने छ वा पैदल करिब १० मिनेट लाग्नेछ|
कार्यक्रमलाई भब्य र सब्य रुपमा सफल बनाउन सम्पूर्ण मोरङ बासी लगायत अन्य नेपाली समुदायहरुलाई आ आफ्नो ठाउँबाट आर्थिक भौतिक र नैतिक सहयोग गरिदिनु हुन् अध्यक्ष जिबन थापाले बिनम्र अनुरोध गरेका छन् |
