महत उत्कृष्ट अर्थमन्त्री कसरी ?
हिजो बेलायतको पत्रिका द बैँकरले नेपालीहरुलाई अचम्मित पार्ने गरि एउटा समाचार प्रस्तुत गर्यो डा. रामशरण महत ‘एसिया प्रशान्त क्षेत्र र बिश्वकै उत्कृष्ट अर्थमन्त्री’ भनी । प्रजातन्त्रको स्थापना पछि पटक पटक देशको साँचो हातमा लिईसकेका डाक्टर महत नेपाली जनता माझ भने ठिक उल्टो असफल अर्थमन्त्रीका रुपमा चिनिदैँ आईरहेका छन |
देशमा गत बैशाखमा गएको बिनाशकारी भुकम्प र त्यसपछि निरन्तर आएको पराकम्पले देश तहसनहस भैरहेको बेला उनै महत अर्थमन्त्रीको पदमा आसिन रहेका थिए । मुलुकलाई पिडाबाट माथी उकास्नु थियो र असारमा दाता सम्मेलन गरि प्रशस्तै पैसा दातासंगै माग्न पनि सफल भए उनले यसैलाई आधार मानेर द बैंकर पत्रिकाले उनलाई उत्कृष्ट घोषण गर्न योग्य ठान्यो ।
ठिक त्यही बेला उनी बदनामको फन्दामा परेको बेलायती पत्रिकाले देखेन छ क्यारे । भुकम्प पीडित जनतालाई वितरण गर्न भने लागेको त्रिपाल र जस्तापाता बेच्ने अर्थमन्त्री उत्कृष्ट हुँदा भुकम्पबाट घरबार बिहिन भएर पुस माघको कठ्याङ्ग्रीने जाडोमा पनि त्यही टहरामा कष्टकर जीवन बिताइरहेकाले के सोचे होलान । अकुत सम्पत्ति कमाउने कुबुद्धी नपलाएको भए कमसेकम त्यो घोटाला गरेको त्रिपाल र जस्तापाताले रातको शीत त मत्थर पार्थ्यो नि । अहिले अर्थमन्त्री डा. महत छैन तर त्यो काण्डले र हिजोको समाचारले उनी माथी यी प्रश्नहरु तेर्सिने थिएन भनेर सायदै कल्पना गर्ने होलान् यो देशमा ।
असफल अर्थमन्त्रीको पहिलो नम्बर मै डाक्टर महतको नाम आउँछ । उनी अर्थमन्त्री हुँदा पनि खासै जनता लक्षित नीति कार्यक्रमहरु ल्याउन नसकेर आलोचित भएकै थिए । आलोचनै आलोचनाको जन्जिरमा बाँधीएको ब्यक्तिलाई कसरी उत्कृष्ट भन्न सक्लान नेपाली जनताले?
