कोरियामा ‘सुनकली’ आउदै
सोल ः पत्रकार भोजराज भाटद्धारा निर्देशित डकुमेन्ट्री चलचित्र ‘सुनकली’ दक्षिण कोरियामा पनि प्रदर्शन गरिने भएको छ । एकदर्जन भन्दा बढी अन्तर्राष्ट्रिय अवार्ड पाएर चर्चामा रहेको मुगुकी मेस्सी अर्थात. सुनकली आगामि आइतबार २४ तारिखका दिन सोलस्थित एनआरएन कोरियाको चुनाव भएको हल दोङनेमुनमा मध्यान्ह १२ ः३० बजे प्रदर्शन गरिने भएको छ ।
उक्त डकुमेन्ट्री चलचित्र सुनकली मुगु जिल्लामा खेल्ने मैदान र छात्राबास निमार्ण गर्ने अभियान अन्तर्गत सुदुरपश्चिम समाज दक्षिण कोरियाले आयोजना गर्न लागेको हो ।
कर्णाली अन्चलको दुर्गम जिल्ला मुगुकी किशोरी सुनकली बुढा र उनका साथीहरुले फूटबलमा राष्ट्रिय प्रतियोगिता जित्दा मुगुबासीमा छाएको खुशीलाई पत्रकार भाटले डकुमेन्टी सुनकलीमार्फत सजिब ढंगले उतारेका छन् ।
विश्वव्यापी रुपमा चर्चा पाएको सुनकली हेरेर मुगुको शैक्षिक पूर्वाधारमा टेवा पुर्याउन कोरियामा रहेका संघसंस्था, बुद्धिजिवि, व्यापारी, विद्यार्थी, पत्रकार सबैलाई सुदुरपश्चिम समाज तथा निर्देशक भाटले आग्रह गरेका छन् ।
