लमजुङ परिवार द.कोरियाले फेब्रुअरी 7 मा बृहत् भेला गर्ने
मेघप्रसाद वाईबा,सोल -लमजुङ परिवार दक्षिण कोरियाले कोरियन नयाँ वर्ष सलनालको पहिलो दिन फेब्रुअरी 07 तारीख बेलुका परिवारको बृहत् भेला एवं रात्रीभोज कार्यक्रमको आयोजना गर्ने भएको छ।सोही दिन रोजगार अनुमति प्रणाली (EPS)मार्फत कोरिया प्रवेश गरेका लम्जुङे साथीहरूलाई स्वागत पनि गर्ने भएको छ ।
संस्थाको स्थापना कालदेखि नै कोरियामा रहेका संघसंस्थाहरुबीच हातेमालो गर्दै विभिन्न किसिमका सामाजिक परोपकारी कार्य, औद्योगिक दुर्घटनामा परी घाइते भएकाहरु, विभिन्न रोगबाट ग्रसित भएका व्यक्तिहरु ,प्राकृतिक प्रकोप जस्ता आपतकालीन र विभिन्न समस्यामा परेका नेपालीहरुलाई आर्थिक सहयोग गर्दै आई रहेको छ।वाईजम्बु स्थित सेम्नेमा आफ्नै आवास गृह समेत रहेको यस संस्थाले अचानक कम्पनीको काम छाडी बेरोजगार भै बसेका नेपालीहरुका लागि लक्षित गरि खोलिएको उक्त आवास गृहमा झन्डै मासिक ५ देखि १० जना सम्मालाई सेवा सुविधा समेत प्रदान गर्दै आईरहेको छ ।
तसर्थ , लम्जुङ परिवार दक्षिण कोरियामा आबद्ध सम्पुर्ण लम्जुङ्वासी तथा गैर लमजुङवासी दाजुभाइ तथा दिदिबहिनीहरु , सल्लाहकार ,भु.पु. अध्यक्ष एवं खेलाडी साथीहरू उक्त दिन अनिवार्य रूपमा उपस्थित भै कार्यक्रमलाई भव्य र सभ्यरूपमा सफल पारी दिनु हुन परिवारका अध्यक्ष धन गुरुङले अनुरोध गरेका छन।
विस्तृत जानकारीको लागि :
धन गुरुङ (अध्यक्ष ):010-64642743
मेघ दुरा (उपाध्यक्ष ):010-59300161
ममता गुरुङ ( कोषअध्यक्ष ):010-50485505
जे.बि.गुरुङ (सल्लाहकार ):010-51361144
