सुनुवार सेवा समाज दक्षिण कोरिया साखाको प्रथम साधारणसभा सम्पन्न
कोरियन नयाँ वर्ष तथा चाड सालनालको अवसर पारेर आइतबार सुनुवार सेवा समाज दक्षिण कोरिया शाखाको प्रथम साधारण सभा सम्पन्न भएको छ । कोरियाको राजधानी सउलको धोङ्देमुनस्थित पूजा रेष्टुरेन्टमा सम्पन्न कार्यक्रममा विभिन्न व्यवसाय, अध्ययन र रोजगारीको सिलसिलामा कोरियामा रहेका सुनुवारहरु भेला भएका थिए ।
सुनुवार सेवा समाजका अध्यक्ष हुसन सुनुवारको सभापतित्वमा सम्पन्न कार्यक्रममा सम्पूर्ण सुनुवारहरुको हित, भलाई, आपसी सद्धभाव, एकताको लागि आफ्नो भेषभूषा कला र संस्कृतिको संरक्षण गरि सबै समुदायमाझ आफ्नो पहिचान दिलाउनुका साथै कोरियामा रहेका विभिन्न संघसंस्थाहरुसँग हातेमालो गर्दै अघि बढ्ने समाजका सल्लाहकार बालकृष्ण सुनुवारले बताए ।
कार्यक्रममा समाजका सचिव हर्क सुनुवारले संस्थाको प्रतिवेदन प्रस्तुत गर्दै संस्था गठन भएको छोटो अवधिमा नै साधारणसभा गर्नुपरेकोले सोचेअनुसार काम गर्न नसके पनि संस्थाको लागि आन्तरिक चाहिने सामाग्री जुटाउनुका साथै कोरियामा रहेका सुनुवारहरुको बाहुल्यता बढाउनमा जोड दिएका थिए । त्यसैगरी समाजका कोषाध्यक्ष सुवास सुनुवारले आर्थिक प्रतिवेदन पेश गरेका थिए ।
जनसंख्याको आधारमा सुनुवार जाती थोरै भएपनि कोरिया जस्तो बिदेशी ठाऊमा सुनुवारहरुको जमघट तथा सुनुवार सेवा समाज गठन प्रति खुशि व्यक्त गर्दै सदस्य निर्मला सुनुवारले आफ्नो संस्कृति प्रति सबै कोईँचहरुले हातमा हात मिलाऊन आग्राह गरेकी थिईन । महिला सहभागीले सभा ऊत्साह बढेको थियो ।
व्यस्तताको बाबजुद पनि आफ्नो अमूल्य समय निकालेर यस समाजलाई सबैले दिएको सल्लाह सुझाव र सहयोगप्रति आभार प्रकट गर्दै अध्यक्ष हुसन सुनुवारले सो समाजको विघटन गरि पुन हुसन सुनुवारकै अध्यक्षतामा १३जना को कार्यसमिति चयन भएको थियो भने २ जना सल्लाहकार राखिएको थियो।
सुनुवार सेवा समाज दक्षिण कोरिया साखाको नवगठित कार्यसमितिका पदाधिकारीहरु
अध्यक्ष :हुसन सुनुवार
उपाध्यक्ष :तोरण सुनुवार
कोषाध्यक्ष :वेद ब. सुनुवार
सचिव :शुवास सुनुवार
स-सचिव :हर्क सुनुवार
सदस्यहरु: शुसिला सुनुवार
:रुद्र सुनुवार
:निर्मला सुनुवार
:मुनराज सुनुवार
:राम सुनुवार
:सविना सुनुवार
:कृष्ण सुनुवार
:उत्तर ब.सुनुवार
सल्लाहकार :बालकृष्ण सुनुवार
:दिपक सुनुवार
