ससफो कोरियाको चियापान तथा भेटघाट कार्यक्रम सम्पन्न ,एमाले पार्टी परित्याग गरि ससफोमा प्रबेश
सोल/ कोरिया- संघिय समाजबादी पार्टी फोरम नेपाल प्रबास सङ्गठन ससफो कोरियाको चियापान तथा भेटघाट कार्यक्रम सम्पन्न भएको छ । “जातीय मुक्तिको लागि संघीयता, बर्गीय मुक्तिको लागि समाजबाद” भन्ने मूल नाराको साथमा गत फेब्रुअरी ८ सोमबार सौल स्थित नेपाल हाउसमा चियापान तथा भेटघाट कार्यक्रम सम्पन्न भएको हो ।
सोहि अवसरमा ४ जना संघीय समाजबादी फोरम नेपाल पार्टी प्रवेश गरेका छन् । बुद्ध तामाङ् र फुर्बा तामाङ्ले एमाले पार्टी परित्याग गरि संघीय समाजबादी फोरम नेपाल पार्टी प्रवेश गरेका छन् भने दर्पण गुरुङ संजित थापा मगर यस अघी स्वतन्त्र रहेका थिए । सोहि दिन बुद्ध तामाङ घिम्पो क्षेत्र र संजीव थापा मगरलाई छनानको संयोजक तोकिएको छ ।
ससफो कोरियाका अध्यक्ष देबराज स्यांङ्तानले सफत खुवाई पार्टी प्रवेश गराएका हुन् ।
स्वागत मन्तब्य राख्दै धिरज गुरुङले २४० बर्ष सम्म सासन चलाउदा पनि देशले सहि दिशा लिन नसकेको गुनासो पोख्दै ब्यतिगत स्वार्थ राजनीतिक भागबन्डाले देश कालोबजारी र भ्रस्टाचारको दल दलमा फसेकोले कुनै पनि राजनीतिक दलले निकाश दिलाउन नसक्ने जिकिर गरे ।
सोहि अवसरमा भुजेल समाज द. कोरियाका अध्यक्ष ठाकुर भुजेलले आदिवासी जनजातीको मुद्दा बोक्दा र पहिचानको कुरा उठाउदा बिखन्डनकारिको आरोप लाग्ने गरेकोले अबको हरेक राज्यको निकायमा समान सहभागिता र अधिकार हुनु पर्ने कुरामा जोड दिए ।
चियापान कार्यक्रममा ससफो कोरियाका अध्यक्ष देबराज स्यांङ्तानले राज्यको हरेक संबैधानिक, प्रशासनिक निकायमा आदिवासी जनजाती , मधेसी, थारु, महिला, मुस्लिमको समान सहभागिता हुनु पर्ने कुरामा जोड दिए ।
