साग महिला फुटबलमा नेपाल भारतसंग ४ – 0 ले पराजित
सोल – भारतको सिलोङमा जारि १२ औं दक्षिण एसियाली खेलकुद साग अन्तरगत महिला फुटबल फाइनलमा नेपाल भारतसँग ४–० गोल अन्तरले पराजित भयो । खेलको ३२ औं मिनेटमा भारतकी कमलादेवीले पहिलो गोल गरेकी थिइन् ।
खेलको ५० औं मिनेटमा कमलादेविले नै दोस्रो गोल गर्दै अग्रता दोब्बर पारेकी थिइन् | भारतले अर्को गोल खेलको ७३ औं बालादेवीले र ८० औँ मिनेटमा आसा लतादेविले गरेकी थिइन् ।
पाँच देश सहभागि खेलमा राउण्डरोबिनका आधारमा शीर्ष स्थानमा नेपाल र दोस्रो स्थानमा रहेर भारत फाइनलमा प्रवेश गरेका हुन् । लिग चरणमा नेपालले श्रीलंकालाई ४–०, बङ्गलादेशलाई ३–०, माल्दिभ्सलाई २–० ले पराजित गरेको थियो । भारतसँग गोलरहित बराबरी खेलेको थियो ।
