यामदास घायल ‘सन्तलाल’

गजल / सक्छौ भने चितासँगै, आत्मा गलाई दिनु। मलाई मेरै रामेछापको, घाटमा जलाई दिनु। मरेँ भने केही गरी, तिम्रो शहरमा; खोजी खोजी आफन्तको, हातमा मलाई दिनु। रुन्छिन् होली मेरी आमा, म मरेको पल; आमाले नि नदेखुन् लास्, रातमा चलाई दिनु। भोलीका सन्ततीले, गर्व गर्न सकुन्। मेरो देश नरभक्षिको, साथमा नलाई दिनु। ‘जननी जन्मभूमिश्च, स्वर्गादपि गरीयसि’ ईतिहांसको हांगाहांगा, मन्त्र फलाई दिनु।।।